神燒肉

食肉獸必收藏！牛年到五間品牛餐廳介紹返
2021-02-11
一個人的浪漫！單身情人節搵食手冊
2020-02-12

📍「神」- 元朗今次食食食之旅黎到元朗😌呢間神都係👦🏻👧🏻嘅飯堂，每次諗唔到食咩，但又唔想食澱粉質，就會諗起呢間，因為淨係食佢嘅牛扒，再食佢任fill 嘅沙律同牛尾湯都好夠飽😋📷餐廳係走日本🇯🇵風，店面比較細，座位有少少🤏🏻逼🫢平時夜晚嚟，有時都要係門口排隊等位，不過嚟親呢度都係食完就走，所以都唔洗等好耐⏰餐廳採用半自助模式，首先係門口部食物機落單俾錢（Staff會好好咁協助你🤗），俾張單staff，佢會俾部機嚟，石燒牛到嘅時候就會響，staff 會送埋石燒牛去你個位度🤗水同餐具都係自助形式，所以一入到去可以拎咗餐具先😇👍🏻食食下如果覺得塊板唔夠熱，又未燒完塊扒可以叫staff換過塊🤗🍴哥士牛扒300G💰HK$125 ✨推薦指數：10/10基本上呢款係必嗌‼️因為佢嘅牛味好重，肉質鮮嫩，口感腍身，脂肪比例相對地較低，燒到7️⃣成熟就岩岩好🤤石燒牛最好嘅係你想燒到幾成熟都得，任君選擇😆自助吧仲有好多款醬俾你揀，座位亦有黑胡椒同岩鹽選擇，咩醬都可以試下，總有一款岩你心水😇（如果唔想啲牛熟得太快，建議拎個碗仔裝起一半先，到食嘅時候先放落去燒🤗）🍴牛柳300G💰HK$130✨推薦指數：9/10呢款牛味相對無咁出，👦🏻覺得佢嘅牛柳比其他餐廳食既牛柳無咁重牛味😗；食落肉質軟腍，不過因為無乜脂肪同筋，所以口感上哥士牛扒更勝一籌🤣 (不過見👧🏻叫左哥士 👦🏻就叫牛柳好似多啲唔同野食咁🤗）🍴自助吧💰HK$130✨推薦指數：9/10自助吧有牛肉羅宋湯、沙律菜、蕃茄仔、粟米、白飯同水，佢仲會keep 住refill ，超正🤩最欣賞嘅係佢嘅牛肉羅宋湯，入面落咗勁多牛肉、蕃茄、紅蘿蔔等等煲成，超濃超好飲，👧🏻成日一飲就兩碗🤣🤣🤣沙律菜係綠/紫椰菜，仲有蕃茄仔同粟米，全部都好新鮮，真係食沙律都食飽🤤佢仲有好多款醬俾你揀，包括胡麻醬、柚子醬、柑橘醬等等，任君選擇👍🏻佢仲有飯素俾你送白飯，超開胃🤤呢度嘅性價比真係好高🫶🏻🤩💯 繼續閱讀

(以上食評乃用戶個人意見 , 並不代表OpenRice之觀點。)

元朗咁多好野食花多眼亂今日揀左黎鋸高質牛扒 🍴🐮雖然舖頭裝潢普普通通坐位有限唔算寬躺舖頭外面有部自助order野食嘅機好棧鬼入面有自助salad bar 加錢要salad bar就可以無限添飯/湯/沙律小食🥗🍚 非常抵食👍🏻 湯仲要係好足料嗌左兩款牛扒God 同 Angus 用加熱左嘅石板上菜好驚喜令牛扒一路食一路保持溫度切開左牛扒再用石板熱力可以自行調教喜歡嘅生熟度👏🏻😋份量絕對夠飽加上食左salad bar做前菜真係差d食唔哂d牛扒牛扒肉質厚實肉味非常香濃😋😋😋可以話係響大西北食過最好食同抵食嘅牛扒呢個set真係價性比高👍🏻 繼續閱讀

(以上食評乃用戶個人意見 , 並不代表OpenRice之觀點。)

話說元朗有1間神1間秘拍埋一齊，就叫神秘餐廳，兩間餐廳都係主打日本野的，神就係專食石燒牛，由於小弟曾經都係其他石燒牛既餐廳食過體驗唔多好，所以平時都甚少去食石燒牛的，但呢間神係網上見到咁多好評，路過果陣就係門口望望下d價錢，無幾耐就有位女侍應出黎熱情招待咁教我點落單，好似日本拉麵店咁係門口部機撳你想要既食物再入錢就可以了，由於落單過程比較急所以無影門口部機d價錢，主要都係有幾款牛同埋幾多g，分別有180，300，400，今日特別d見到有個午市期間限定牛小排只需$58，仲包任食飯，湯同沙律，青檸水都係任飲，呢個價錢非常抵喎。落完單俾張飛待應入到去會安排你座位，係肉未黎之前可以自己出去拎沙律，湯，飯咁，環境同擺位都好整齊，小店店面唔會好大，如果人多時個個都出去拎野就要小心d了。先講講佢任食既野先，湯係羅宋湯，同平時茶餐廳味道差唔多，都有少少酸度又唔會好嗱喉果隻，我最欣賞係佢d湯唔會得水，入面仲有好多配料呀牛肉咁，剩係個湯都想飲多碗。沙律就有椰菜絲，票米粒同車厘茄，醬料有柚子醬，胡麻醬同柑橘醬，我自己就落左d柚子醬，食落好清新。飯係用珍珠米，唔會好濕好爛，都算煮得岩岩好，另外仲有d飯素俾你加，分分鐘飯都可以食多碗。座位上都有塊牌教你點樣食d石燒牛，未食過既朋友又可以參考下，另外都有d即磨黑椒同鹽呢d調味料，仲有紙巾，基本上所有野都做得好到位。最後講返主角牛啦，其實份牛好快已經到左，上枱時塊石板係非常熱的，d油仲彈到我成身都係，呢樣大家要留意下啦，牛小排既肉味都好夠，加少少黑椒鹽食仲更加突出，不過就真係要快少少食，因為塊石板過左10分鐘左右就開始無咁熱，塊牛排都比較厚去到後面都會比較難熟，但其實可以叫店員換板的但由於我都剩返果兩少塊就廢事麻煩啦，切細塊d慢慢烘熟佢食算了。整體上今日呢餐真係改變左我對石燒牛既印象，因為之前係第2度試過既體驗實在太差，而且呢間神平時既餐都唔算太貴，當然我今日食呢個午市期間限定就更優惠啦，我都會介紹朋友有機會一齊再黎食。繼續閱讀

(以上食評乃用戶個人意見 , 並不代表OpenRice之觀點。)

❣️❣️元朗超值日式熱石牛料理(牛扒+沙律+羅宋湯+青檸水)🥩先用自動點餐機落單有身處日本的感覺可以自行簡4款唔同部位牛扒及重量買完飛先入座只收現金無加一🥰餐廳空間不太大環境唔算好舒服但大家試過就明點解小店甘受歡迎🫶好玩又好食而且超值 ‼️星期一至五12:00-17:00仲有200g牛小扒只係$58 包埋自助區‼️晚市最平$85 180g哥士牛扒包埋自助區‼️夜晚要預時間等位自助區全部質素都好好無限任添🥗沙律: 自己出去任拎新鮮沙律及配料蕃茄粟米🥣羅宋湯: 非常濃郁超足料勁入味超多牛肉紅蘿蔔粒洋蔥粒及番茄真心要飲三碗🍚白飯:係高質珍珠米可加飯素🧃飲品: 青檸水都唔差酸酸甜甜🥩哥士牛扒 300g $125 價錢最平但我覺得仲好食過安格斯牛安格斯肉質韌左少少哥士牛扒肉質鮮嫩唔韌有肉汁用熱石上菜可以自己決定幾成熟平價但好味超值❣️ 繼續閱讀

(以上食評乃用戶個人意見 , 並不代表OpenRice之觀點。)

CzHo 等級3 2022-07-28

415 瀏覽

好耐之前試過「神」既火山石牛柳，已經覺得好正近排行過見到佢有個牛肉烏冬，唔想食咁大塊扒，所以決定入去試下。七點幾去到已經Full，不過等咗大概5分鐘左右就有位門口有部自助售賣機先買飛後入座😄😄記得要帶現金啊羅宋湯烏冬$68，黎到係好滾，賣相吸引，配料足👍🏻羅宋湯湯底正👍🏻不過建議可以試其他湯底，因為羅宋湯本身可以出去裝黎飲。牛肉上既時候係未熟，由佢滾一陣就搞掂，唔會老好好食，烏冬正👍🏻不過有少少淋身。咖哩牛肉烏冬$68，咖喱味唔算係好濃，淡得來都算香口，好多豆苗。呢隻牛肉同羅宋湯牛肉係唔一樣嘅，啖啖肉好好味，唔會韌，推薦👍🏻👍🏻👍🏻因為佢係石鍋上，所以記得唔好咁心急，因為會好滾會”辣”親口🙇🏻‍♂️😄羅宋湯真係超正，本身都好好飲，建議再落兩滴Tabasco，少少辣真係唔同晒，味道提升👍🏻👍🏻沙律都係自助形式，自己決定裝幾多落幾多牆幾多配料👍🏻👍🏻👍🏻值得一提嘅係佢嘅青檸水好好飲！都係自助形式👍🏻👍🏻 繼續閱讀

(以上食評乃用戶個人意見 , 並不代表OpenRice之觀點。)

俾88 蚊食幾片牛肉乾打開個外賣盒，真係嚇左跳可能堂食會好d 嘅，自己可以控制但即使係外賣，都唔會係咁嘅質數卦個羅宋湯正常出名食牛，但d牛肉質素咁差，overcook 哂真係冇下次希望可以改善繼續閱讀

(以上食評乃用戶個人意見 , 並不代表OpenRice之觀點。)

兩個人去食晚飯，係神門口研究左部機一陣，有個店員走左出黎好fdly咁介紹返(因為未食過🤣)，最後叫左一個牛柳300g($135)同咖喱鍋燒烏冬($68)。付款後店員安排入座，依到係半自助形式，主菜未上之前可以出去拎湯/飯/飲品/沙律/醬汁。牛柳黎到發現好大塊！因為友人唔係非常鍾意食肉，早知叫細一個size，食到好飽~另外咖喱鍋燒烏冬亦都有牛，同羅宋湯嗰個牛係一樣的。最後特別鍾意佢個羅宋湯好足料，有滿滿既肉同蔬菜！見到門口貼住有lunch set 牛小排$58，咁平下次要再戰！提一提座位都係兩個兩個咁坐，多人去食傾偈可能有啲唔方便。繼續閱讀

(以上食評乃用戶個人意見 , 並不代表OpenRice之觀點。)

之前黎「神」，都係食哥士牛扒（$85），今次見到有新推出既牛小排🥩（$58），平咗成$27，當然要試下啦。牛小排餐總共有五嚿牛肉，雖然食落去無哥士牛扒咁重牛味🐂，但都有d肉味，絕對過到口癮，份量大份，男仔都唔驚食唔飽。每人都可以決定自己想要既生熟度，全由自己控制，如果鐵板唔熱，仲有牛扒未燒完，可以叫職員幫你換過塊鐵板。座位面前有黑胡椒同埋鹽俾你調味，出面仲有牛油🧈，芥末，柚子醬，胡麻醬等調味料俾你任添，總有一款醬岩你心水❤️。呢個餐除左牛肉🥩外，仲包埋出面既沙津吧🥗，可以自製沙律，包括車厘茄🍅、粟米🌽同埋椰菜絲，任添凍既檸檬水🍋，白飯🍚任裝唔嬲，記得加飯素。最重點係，呢度既羅宋湯🍲非常足料好飲，味道好濃，湯渣有大量蔬菜🥬同埋牛肉🐂，我成日黎都飲兩三碗。呢間係我私心認為暫時最好食同埋性價比最高既鐵板牛扒👍，除了牛肉質素高質外，羅宋湯好飲，仲可以任添沙律🥗，白飯🍚，檸檬水🍋，每次食完後，都要捧腹離開，十分滿足😋。繼續閱讀

(以上食評乃用戶個人意見 , 並不代表OpenRice之觀點。)

一人的快樂想食燒扒，自私食午餐黎食，又唔洗等門口用自助機買牛扒價錢包左湯，飯，沙律＄58,冇野講了羅宋湯，好大舊肉都蕃茄味香濃，料足唔係hea你肉質唔係靚，但唔係梅，不過＄58，佢贏繼續閱讀

(以上食評乃用戶個人意見 , 並不代表OpenRice之觀點。)

一家人點了幾客安格斯和牛柳，肉質香濃可口，小女兒不小心切時把牛柳掉在地上，店員超貼心的補回一塊，極其窩心，無論食物質素和服務都超好，羅宋湯肉多味濃，真正值得一試。繼續閱讀

(以上食評乃用戶個人意見 , 並不代表OpenRice之觀點。)